خلال الساعات الماضية دارت حرب كلاميه عنيفة بين رضا عبدالعال نجم الكرة المصرية السابق والمحلل الرياضي، وأمام عاشور نجم الأهلي والمنتخب عقب هجوم رضا عبدالعال علي نجم الأهلي واتهامه بأنه " وشه نحس " .
واكد رضا عبدالعال في تصريحات تليفزيونيه أن "الأهلي خسر بطولتين هما الأسهل في تأريخه منذ انضمام إمام عاشور وكان هيخسر الثالثة لولا ربنا والجماهير الحاضرة في المدرجات".
واضاف: "كلها 3 شهور واللي عاملينه تمثال من العجوة و العسل هيسيح وترجع ريما لعادتها القديمة.. هو بس عايش في زهوة إنه جاي من الزمالك"
وتابع "اللي لعبته في الأهلي والزمالك بتاريخه كله اللي جاي واللي راح، أنا بقولك أنت وشك نحس على الأهلي من أول يوم ما جيت فيه الأهلي خسر بطولتين هما الأسهل والنهاردة كانت هتبقى التالتة لولا ستر ربنا والجماهير اللي حضرت في الاستاد".
رد أمام عاشور علي هجوم رضا عبدالعال
ورد أمام عاشور علي تصريحات رضا عبدالعال موجها رسالة للشامتين، قائلًا: "اهدوا شوية، أنا مش متابع أنا مركز في شغلي، ولولا أني بلعب في الأهلي وفي نظام كنت رديت عليهم".
وأضاف: "في شخص برد عليه وهو هجاص .. دي أول بطولة ليا مع الأهلي وأخدت تالت كأس العالم للأندية والحمد لله.. تعودت أني أول ما روحت الأهلي لو راحت بطولة هتيجي عشرة".
هجوم جديد من رضا عبدالعال علي إمام عاشور
ورد رضا عبدالعال قائلا :"بتقولي دي أول بطولة ليك مع الأهلي ولعبت في كأس العالم للأندية.. أنتا كنت بتلاعب فيوتشر.. وموصلتش ليه نهائي مونديال الأندية طالما قدمك قدم السعد على الأهلي"
توج النادي الأهلي مساء الخميس، ببطولة السوبر المصري للأبطال بعدما حقق الفوز على فريق مودرن فيوتشر بنتيجة 4-2، في اللقاء الذي أقيم على ملعب محمد بن زايد بالإمارات
