أشاد أحمد حسام "ميدو"، نجم نادي الزمالك السابق، بالظهور الأول لمنتخب مصر تحت قيادة المدير الفني الجديد، حسام حسن.
وقاد حسام حسن منتخب مصر للفوز على نيوزيلندا بهدف نظيف، أمس الجمعة، في افتتاح بطولة كأس عاصمة مصر "الودية"
وكتب ميدو ، عبر حسابه على منصة "إكس": "وقفة المدرب النجم على الخط حاجه ثانية..وقفة حسام حسن على الخط امبارح حسستني بهيبة منتخب مصر، لأول مرة بعد كابتن جوهري الله يرحمه وكابتن حسن شحاته ربنا يديله الصحه".وأضاف: "نصيحتي لكابتن حسام لا تتحدث في الإعلام إلا في المؤتمرات الصحفية الرسمية للمباريات كل كلمة هتقولها في الإعلام هتضرك المتربصين كثير واللي عايزينك تفشل كثير حتى ولو على حساب المنتخب!! عايز تنجح متتكلمش ولا تخلي كابتن إبراهيم يتكلم إلا للضرورة القصوى!!".
وتابع: "عجبني المنتخب إمبارح اللاعيبة بتقاتل ومنتخبنا بعد الهدف ساب الاستحواذ ولعب على المرتدات بشكل كويس..بعض من أفكار حسام حسن واضحه بمحاولة تجميع العب في ناحية ونقل الكورة بسرعة للناحية الثانيه..مهم اما الرسالة واصلة اللي مش هيقاتل كل دقيقة وكل ثانية في الملعب مش هيكون ليه مكان في التشكيل الأساسي".
وأشار: "الخطوة الجاية لازم أزمة محمد_صلاح مع الجهاز تتحل وتتحل بذكاء بتدخل مسؤولين كبار ماتسيبوش الموضوع ده لأصحاب اللقطة!! ومهم جدا عودة فتوح للمنتخب".
وختم: "محمد حمدي لاعيب كويس لكنه مش الباك لفت اللي هيشيلك في الماتشات الثقيلة، البداية لازم تيجي من فتوح وان شاء الله يكون مركز ومتألق الفترة اللي جايه مع الزمالك وترجع المنتخب وترجع لاعيب أساسي لإن ده مكانك الطبيعي".
