شن الإعلامي أحمد سالم المتحدث الرسمي لنادي الزمالك، هجومًا على بعض القنوات الفضائية.
وقال سالم، عبر صفحته الرسمية بموقع التواصل الاجتماعى فيس بوك:"هي برامج الفضائح اياها افلست إعلاميا ومبقاش عندها أفكار غير انها تجيب ضيوف تلمعهم بأسئلة ركيكة متفق عليها مقابل إنهم يشهروا بنادي الزمالك ويهددوا استقراره".
وتابع : "محدش قال لهم ان الأمانة و المهنية تحتم عليهم طرح الأسئلة اللي الجمهور عايز يعرف اجاباتها مش اللي الضيف عايز يسمعها ؟".
وأكمل : " لو مش فاهمين في الكورة ليه بيتكلموا فيها بسذاجة و سطحية ، الا لو كانت السذاجة دي مقصودة لاسمح الله؟".
وواصل : "بالنسبة ان عدد اندية كرة القدم في مصر حوالي ١٠٠٠ نادي منهم ١٨ نادي في الدوري الممتاز غير عشرات الأندية في دوري الدرجات الأولي و التانية و التالتة و الرابعة".
وأضاف: "ليه يا تري كل حلقات البرامج اياها متخصصة في أخبار و مشاكل الزمالك طوال رمضان دون غيره من الأندية ؟؟؟
للمرة المليون .. كلنا تركيز في دعم ومؤازرة جميع الفرق الرياضية بنادي الزمالك حتي يتحقق كل ما يتمناه جمهور الزمالك العظيم".