حسم النادي الأهلي تذكرة التأهل لنهائي دوري أبطال إفريقيا للموسم الحالي 2023/2024، بعد التفوق على مازيمبي الكونغولي بنتيجة (3-0)، في مجموع مباراتي الذهاب والإياب للدور قبل النهائي.
ورد خالد بيبو مدير الكرة بالنادي الأهلي، أن غرفة ملابس الأحمر دائمًا مغلقة على نفسها ولا توجد أزمات بالفريق.
وقال بيبو في تصريحات تليفزيونية: "احنا بنكسب في الملعب مش بنخبي الكور عشان الأهلي ما بيخافش من حد".
ووجه حديثه لسيد عبد الحفيظ: “أنا جامد يا كابتن سيد ومتخافش وإحنا في النادي الأهلي بنكمل بعض وفي ناس كانت عايزة تولع فينا مع أول خسارة”.
وأتم: "فوز الأهلي عامل مشاكل والناس هتموت والأهلي يخسر ولكن نحن رقم واحد واللي يقدر يحصلني يتكلم عليَّ".
وحقق الأهلي فوزًا مستحقًّا أمام مازيمبي الكونغولي بثلاثة أهداف نظيفة، في المباراة التي أقيمت على إستاد القاهرة، بحضور أكثر من 50 ألف مشجع.
