علق ياسين عبد العال نجم فريق طلائع الجيش السابق ، على هزيمة فريق الزمالك في ذهاب نهائي كأس الكونفدرالية أمام نظيره فريق نهضة بركان المغربي.
وفاز فريق نهضة بركان المغربي، علي نظيره فريق الزمالك بهدفين مقابل هدف في المباراة التي أقيمت بينهما في المغرب في ذهاب نهائي كأس الكونفدرالية.
وسجل هدف نهضة بركان المغربي الأول البوركيني ايسوفو دايو في الدقيقة 13 من ركلة جزاء.
ثم أضاف عادل تحيف الهدف الثاني لفريق نهضة بركان المغربي من ضربة رأسية سكنت شباك حارس الزمالك.
فيما أحرز هدف الزمالك الوحيد التونسي سيف الدين الجزيري في شباك فريق نهضة بركان المغربي مطلع الشوط الثاني.
ويستضيف فريق الكرة الأول بنادي الزمالك بقيادة البرتغالي جوزيه جوميز نظيره فريق نهضة بركان المغربي يوم الأحد القادم، في إياب نهائي كأس الكونفدرالية على ملعب استاد القاهرة الدولي.
وقال ياسين عبد العال نجم فريق طلائع الجيش السابق عبر الصفحة الشخصية بموقع التواصل الاجتماعي فيسبوك:
وجهه نظر فنية دفاع الزمالك فية كوارث ومصائب بتحصل من لاعيبة المفروض قال انها لاعيبة بتلعب في أندية كبيرة ومنتخبات.
تابع: أخطاء يعملها ناشئ لية عزر نقبلوا ماشي اما واحد زي فتوح عذرك اية دلع في الملعب ومفيش اهتمام لما الكورة بتجيلو اما في الهدف التاني عامل فاول من عند الراية الركنية أقل حاجة تتقال إنك لاعب ساذج والله لاعب الخصم واقف علي الكورة وعايز فاول لان هو عايز حاجات زي كدة علشان هما مميزين في ضربات الرأس تقوم عامل الهبل دة فيتسبب في البداية والنهاية والهدف كمان أنت مشارك فية بعدم اشتراكك بقوة مع الراجل اللي أحرز الهدف اللي واقف في ضهره حاجة لازم يكون ليها حل.
استطرد: طلب من اخواتي المدربين المحترمين وبالذات في الناشئين عود اللاعبين إن لاعب الخصم بيكون عايز ياخد فاول علي الخطوط اللي قريبة من الجون علشان يستغل ميزة في ضربات الرأس هيا عند فرقته بيكسب بيها.
وقال أيضا: حلها بسيط والله ان اللاعب اللي بتكون في رجله الكرة بتكون ميتة بلغة الكورة في تيجي انت بكل سذاجة بتحيها لية بدفعك لية في الضهر او ضربك لية بالكتف في حاجة هيا اصلا لو تقيلت علية ممكن تاخدها من غير اخطاء اللي ممكن هيا بكورة وحده منها تخسرك المباراة - علي فكرة كل لعيبة مصر بتقع في الخطأ دة.
