وجه شريف إكرامي حارس مرمى نادي بيراميدز، عدة رسائل قوية وحزينة، بعد وفاة أحمد رفعت نجم فريق مودرن سبورت، أمس السبت، نتيجة مضاعفات أزمة قلبية.
وكتب شريف إكرامي عبر حسابه على منصة "إكس": "رفعت مات مع إن اللي عالجوه طلعوا كل يوم في البرامج يتكلموا ويطمنو الناس عليه، و يأكدوا لنا ان محدش قصر".
وأضاف: "رفعت مات مع إن الوزير راح بنفسه وأطمن عليه واتصور معاه كمان عشان يطمنا أكتر، مات بعد تأكيد مسئولي ناديه انه في طريقة للعودة للملاعب وأنهم عملوا معاه الواجب و زيادة".
وتابع: "طبعا لكل أجل كتاب اللهم لا اعتراض .. بس بردو لكل أجل سبب، إريكسن عاش عشان اتلحق من أول ثانية قلبه فيها وقف، مش بعد نص ساعة، إريكسن عاش عشان فيه قدسية لحياة الإنسان و صحته..مش بنتاجر بيها، عاش عشان في ناس بتشتغل بجد..ناس مسئولة عندها ضمير واحترام لنفسها ولمناصبها،مش ناس كل همها تبان كده".
ولفت: "إريكسن عاش لأن في ناس اشتغلت علة كل حاجه عشان تنقذ حياة بني آدم..مش اشتغلت بس عشان تخلي مسئوليتها".
وواصل: "إريكسن عاش عشان محدش قهره نفسياً ولا ذله و لا اتحكم فيه و لا في مستقبله.. روح يا رفعت للي أرحم من أي حد".
واستطرد: "روح عشان حق اللي بيموت هنا يابني كام صورة علي شوية تغريدات، ودمعتين في البرامج وآخرهم يومين تلاته وبس".
وأكمل: "ارتاح يابني وسيبنا هنا مع الأفاقين و المتاجرين معدومي الاحترام والضمير والإنسانية".
وختم: "ارتاح يا رفعت لعل وعسي موتك يكون سبب في صحيان ضمائر و ذمم ماتت من زمن.. رحمك الله يا أحمد".
