دافع مصطفى شوبير، حارس مرمى النادي الأهلي، عن والده الإعلامي أحمد شوبير، بشأن الهجوم الشديد عليه في الساعات الأخيرة.
وكتب "شوبير" عبر حسابه الشخصي بموقع "إنستجرام": "اتهامات اتهامات وخوض في ذمم بدون علم ولا أي دليل انتو مفرقتوش عن اللي ظلموا رفعت في حاجة ودلوقتي بتتهموا ناس ظلم بـ أذى شخص بدون أي دليل حتى.. دي عايزينها أهلي وزمالك وتريند أخو اللاعب طلع وقال اسألوا فلان وذکر اسم شخص".تابع: "ووكيله كان قاعد وحصلت مواجهة بينه وبين الشخص اللي تم ذكر اسمه فين بقي اسم أحمد شوبير في جملة مفيدة؟ ولا أخو رفعت ولا وكيله ولا المحامي بتاعه قال حاجة أو ذكر اسمه حتى زي ما المفبركين بيكتبوا.. التريند عمى الناس والاتهامات الباطلة أي حد بيكتب أي حاجة."
أضاف: "الناس للأسف بتصدقها وخلاص ويا ريت الناس اللي بتكتب ده درس لينا تبدأ بنفسها الأول ومتظلمش حد تاني باتهامات باطلة بدون أي دليل لأن كده أنت أول واحد متعلمش من اللي حصل وبتعيد الظلم بس بطريقة تانية.. استقيموا يرحمكم الله، وسيبكم من التريند كلنا لله راجعون، أخيرا ربنا يرحمك يا رفعت أكيد انت في مكان أحسن لا تنسوه من صالح دعائكم".
مصطفى شوبير
