رد الاعلامي احمد شوبير على واقعة اتهامه في الاذى النفسي الذي عانى منه احمد رفعت لاعب فريق مودرن سبورت والذي فارق الحياة منذ يومين.
وقال شوبير في برنامجه الاذاعي: أول مرة هتكلم بشكل شخصي في البرنامج عندي، بعد إلحاح من المقربين والحبايب إني لازم أطلع أرد، مع إني مكنتش ناوي أعمل كده.
واضاف: بقالي 48 ساعة عمال أسمع وأرى حواديت وبوستات وقصص عن اتهامي في واقعة الراحل أحمد رفعت أنا مش في موضع اتهام عشان أطلع أدافع عن نفسي، بس الإجراءات القانونية لا بد أن تتخذ، فبصراحة كده أنا عمال أجمع وأفلتر كل اللي عمال يتقال ده واللي له حق ياخده والمخطئ يتحاسب.
واختتم: لازم كلنا نقف قدام القضاء والمخطئ يتحاسب، وعند الله تجتمع الخصوم آسف إن أخدت من وقت البرنامج ومن وقتكم الدقيقتين دول لحديث شخصي، بس استجابة لرغبة بعض المقربين اتكلمت ومفيش أي حاجة أدافع عنها وكل واحد هياخد حقه.
