رد شريف إكرامي، حارس مرمى بيراميدز، على اتهامه بالهجوم ضد النادي الأهلي والمبادئ الخاصة به، خاصة بعدما تحدث من قبل بشأن انضمام إمام عاشور للقلعة الحمراء.
وقال إكرامي في تصريحات عبر برنامج الكورة مع فايق: أنا بشوف إني ابن بار جدًا للنادي الأهلي، وعمري ما انتقدت النادي أو مبادئ النادي.
وأضاف: كل القضايا اللي بتسأل فيها مش باخد المبادرة في الكلام وكلها قضايا عامة وأنا بتسأل وبرد، ولو عندي نية الهجوم كنت هتكلم في عز الأزمات.
وأكمل: إنما أنا شخص لو اختلفت مع حد مش بيكون عندي خصومة معاه، لكن عندي خصومة مع الجهل، مع تبدل المواقف، مع التدليس.
