وجه محمود أبوالدهب مدافع النادي الأهلي السابق، انتقادات حادة إلى مجلس إدارة القلعة الحمراء والسويسري مارسيل كولر المدير الفني فضلا عن نجوم الشياطين الحمر بعد خسارة كأس السوبر الإفريقي أمام الزمالك.
وتوج فريق الكرة الأول نادي الزمالك بلقب كأس السوبر الإفريقي على حساب النادي الأهلي بركلات الترجيح بنتيجة 4-3 للمرة الخامسة في تاريخه.
وانتهي اللقاء بالتعادل الإيجابي بهدف لكل منهما وسجل للمارد الأحمر الفلسطيني وسام ابوعلي فيما أدرك ناصر منسي التعادل للقلعة البيضاء.
وحسم فريق الكرة الأول بنادي الزمالك بقيادة البرتغالي جوزيه جوميز قمة السوبر الإفريقي عبر ركلات الترجيح بنتيجة 4- 3.
وقال محمود أبو الدهب عبر تصريحات تليفزيونية :
مفيش ظابط ولا رابط في النادي الأهلي واللاعيبة بتسهر ومفيش اهتمام، مجلس الإدارة والجهاز الفني يتحملون جزء كبير من الخسارة.
تابع: الفوز في مباراتي جورماهيا الكيني كان خادع، وأثبت أن مستوى الأهلي لا يرتقي لخوض مباراة الزمالك.
وتساءل: مش عارف ليه كولر عنده إصرار على إمام عاشور.. ماله أفشة؟؟.
وأضاف: مجلس إدارة النادي الأهلي والجهاز الفني لازم يقعدوا مع اللعيبة المستهترة، اللي بتسهر وتروح وتيجي، أنا بتكلم من دلوقتي عشان ميتحرقش دمنا أكتر من كده إحنا لسه في بداية الموسم.
استطرد: لا بد من وجود مدير كرة قوي، يدافع عن النادي الأهلي وحقوقه، لأن مفيش اهتمام من اللعيبة بالنادي الأهلي.
