كشف الاعلامى محمد الليثى ، أن هناك أخبار داخل النادى الأهلي تخص ميشيل يانكون مدرب حراس مرمى الفريق ، حيث طلب بضرورة مشاركة مصطفى شوبير في المباريات على حساب الحارس الأساسي محمد الشناوي.
وأوضح محمد الليثى، خلال تقديمه برنامج 10 و 10 على إذاعة أون تايم سبورت إف إم على موجات 93.7: "يانكون تحدث مع كولر أكتر من مرة الفترة اللي فاتت، وقاله إن الشناوي مش في كامل تركيزه بقاله فترة ومستواه في النازل خصوصاً بعد الإصابة اللي اتعرض ليها مع منتخب مصر في فبراير اللي فات، واللي عمل بسببها جراحة في الكتف وغاب عشانها خمس شهور تقريباً.
واسترسل قائلا: ويانكون طلب من كولر الدفع بـ مصطفى شوبير ، لأن اللي حصل من الشناوي في ماتش السوبر الأفريقي الأخير اللي خسره الأهلي، ممكن يتكرر تاني عشان الشناوي مش مركز ومستواه بقى وحش ".
