هاجم الإعلامي أحمد شوبير نجم الأهلي والمنتخب السابق مسؤولي نادي الزمالك بشان صفقة المدافع الإسباني سيرجيو راموس نجم فريق ريال مدريد السابق حيث اكدت بعض التقارير انه يقترب من الانضمام للزمالك
واكد شوبير في تصريحات عبر اثير " اون سبورت اف ام " ان هناك تصريحات ل هشام نصر نائب رئيس نادي الزمالك بشان قرب اتمام الصفقة قائلا " أنا الحقيقة بتمنى يتم توحيد الخطاب بين المسؤولين هشام نصر وحسين لبيب وكل أعضاء المجلس"
وأضاف شوبير "هاني شكري عضو مجلس إدارة نادي الزمالك قال راموس حاجة جميلة جدا وعظيمة لكن مش جاي الزمالك ومفيش فلوس، بعدها هشان نصر طلع قال: ابني بيقود المفاوضات بنجاح ساحق وهى بس السيولة المالية بس المبدأ راموس موافق والنجم الإسباني عايز ييجي جدا جدا"
وتابع شوبير: "معلوماتي الشخصية إن راموس رفض اللعب في أمريكا، وأنا في الحاجات دي بالي طويل جدا جدا فباب القيد في مصر هيغلق يوم 25 أكتوبر فأنا هنتظر من النهاردة 3 أكتوبر لغاية يوم 25 وهشوف أيه اللي هيحصل».
وأضاف شوبير "متعيش الناس في وهم رونالدينيو بتاع زمان، كان يتقال هو جاي يا سيادة يا فندم يقول لك اه اتصلنا وخلصنا وفيه حاجات صغيرة بس كده بنخلصها وهو مبسوط وعايز ييجي نادي الزمالك"
وتابع شوبير: "وساعتها طلعت وقولت يا جماعة لو سمحتم نحترم عقول الناس فطلعوا هاجموني وقالوا لي أنت مستخسر رونالدينيو في الزمالك، لا والله العظيم يا جماعة مش متخسره ونفسي ييجي ويلعب معاكم، بس فيه كلام بالعقل يعني فأنا هستنى ليوم 25 وهشوف القصة شكلها أيه هل نجل المهندس هشام نصر هيقدر يقنع راموس يلعب في الزمالك تبقى حاجة عظمة العظمة الحقيقة لو حصلت مش بتريق لأ بحق وحقيقي"
