روى أمير توفيق، المدير التنفيذي لشركة الكرة بالنادي الأهلي، تفاصيل عمله بقوة داخل النادي على الرغم من وفاة والده.
وقال أمير توفيق في تصريحات صحفية: "٤ ٩ ٢٠٢٢ والدي اتوفى وساعتها كنت في اجتماع مع لجنة التخطيط، خدت الخبر وانا في الاجتماع وانهارت ونزلت وانا منهار، روحت البيت وابويا كان لسة متغسلش كان عندي كونفرانس كول وقتها مع كولر ودينو دخلت الكونفرانس كول وكنت كل شوية بقفل الكاميرا امسح دموعي واتمالك نفسي واكمل تاني لان وقتها كان في مشكلة معينة في المفاوضات مع كولر انه يجي الأهلي".
وأضاف: "تاني يوم خلصت العزاء سافرت سويسرا مع المهندس خالد مرتجي عشان نخلص الصفقة".
واختتم: "انا عمري ما كنت هحكي الكلام ده بس بيصعب على الواحد الاتهامات اللي بتتقال عن الواحد او انه بيقصر او بيقعد في الساحل ويسيب شغله والكلام ده".
