كشف أمير توفيق، المدير التنفيذي لشركة الكرة بالنادي الأهلي، عن سر فشل صفقة التعاقد مع التونسي محمد علي بن رمضان لاعب فريق فرينكفاروش المجري.
وقال أمير توفيقي في تصريحات تليفزيونية: "موضوع بن رمضان مالي بحت، احنا عندنا قدرات معينة وناديه عايز رقم معين بعيد عن قدراتنا وكل الارقام اللي اتقالت كانت غلط، النادي المجري كان بيتكلم في ٣ مليون كاش واحنا كنا عارضين ١.٨ مليون دولار على اقساط، ومحمد علي بن رمضان ضغط وكان بيحاول يساعد لكن في النهاية النادي تمسك بطلباته".
وأضاف: "وكلت اشرف عبدالعزيز لاتخاذ كافة الاجراءات وتقديم بلاغ للنائب العام ضد القندوسي عشان حقي وحق اسرتي ووالدتي اللي اتحطوا تحت ضغط رهيب وكانوا في حالة انهيار عشان اتهامات بدون اي دليل أو اثبات وأي حد اتكلم عن ذمتي المالية بحرف واحد سيتم اتخاذ كافة الإجراءات القانونية معاه".
واختتم: "التفاوض مع بلعيد كان بشكل مباشر مع والده لمدة طويلة ومكانش فيه تعامل باي شكل مع علي كرماني، حابب اشكر الحاج محمد بلعيد وزين الدين وعبدالرحمن زيتوني لان مكنوش مجبرين يوضحوا الحقيقة، بعد ستوري بلعيد قالوا ده مش هو ده كاتب بالمصري رغم انه اكونته الرسمي، بعدها والده طلع اتكلم بالصوت ياترى مش هو برضه ولا ايه؟ للاسف اللي عايز يشكك في ذمتك مش هيقتنع بأي حاجة".
