كشف عمرو وردة، نجم نادي فاركو، حقيقة أنباء فسخ تعاقده مع النادي، حسبما تردد خلال الساعات الماضية.
وقال وردة في تصريحات هاتفية عبر برنامج "اللعيب": "لم يتم فسخ تعاقدي مع فاركو وتواصلت مع المسئولين في النادي ونفوا هذا الخبر".
وتابع عمرو وردة باكياً: "انا تعبان نفسيًا وبتعالج بقالي فترة وباخد ادوية والدكتور كل اسبوع عندي لي الناس بتعمل معاي كدا وبطلع اخبار كاذبة عني".
وأضاف: "لو الناس مش عايزيني العب كورة تاني قلولي وانا هسيب البلد ومشي والله مش هلعب كورة تاني، انا اكيد اخطئت ايام المنتخب وربنا غفوراً رحيم انتوا لي مش عايزين ترحموني".
وواصل: "نفسي اكمل كورة بس انا مش قادر والتعب النفسي وحش اوي اوي وممكن ادخل في حاجات تانية وبحلم ارجع المنتخب مرة تاني بس عاوز الناس تكون جنبي".
وأستطرد: "سبب خروجي من نادي الرجاء قعدت ١٥ يوم في المستشفي ومقدرتش اكمل بسبب تعبي النفسي".
واختتم: "محدش بيسال علي من لاعبي المنتخب كلو بيسال وقت المصلحة وانا مش زعلان منهم وكفاية أهلي وخطيبتي جنبي".
