أطلق محمد مجدى أفشة نجم النادي الأهلي العديد من التصريحات النارية لدى ظهوره ضيفا بإحدى القنوات الفضائية خلال الساعات الأخيرة.
وتطرق أفشة إلي كواليس تعاقده مع النادي الأهلي وكواليس تجديد عقده موخرا مع القلعة الحمراء.
كما تحدث أفشة عن هدف القاضية الذي أحرزه فى شباك الزمالك فى نهائي القرن بدوري أبطال إفريقيا وقال: رزق من عند ربنا.
أبرز تصريحات محمد مجدى أفشة
قال أفشة عبر تصريحات تليفزيونية: كنت بتمني الانضمام للأهلي في أي لحظة، ولما وصلني عرض من الأهلي وانا في بيراميدز، ونزلت صورتي بتشيرت أحمر الكابتن أحمد حسن خصم مني 250 ألف جنية، بعدها بيومين نزلت صورة بتشيرت أبيض والغرامة اتشالت
وقال أيضا: وانا رايح أمضي في الأهلي حد من نادي الزمالك مش موجود دلوقت كلم تامر النحاس وكيل اللاعبين انه عايزني والفلوس جاهزه وكتير، بس انا بالنسبالي الانضمام للأهلي مكنش فلوس
تابع: بالنسبالي مقولة علي معلول أحسن باك رايت.. أصعب من الخوف مش من اللي جاي الخوف من اللي بعد كدا
أضاف: الصورة دي أول مره تتعرض وانا بجدد مع الاهلي، ووقتها ميدو طلع وقال مفيش حد بيمضي على بياض، انا بقوله يا كابتن أحمد لو الأهلي عرض عليا عرض 10 الاف هجدد على بياض واللي ملعبش في الأهلي ملعبش كورة، لأنه هيعمل احسن حاجه حلوة في حياته وهيحقق بطولات، وأقسم بالله العقد دا انا مضيته على بياض
استطرد: في فترة 2020 و2021 تألقت مع الأهلي، ولولا كورونا والغاء حفلات الكاف في الفترة دي كنت حصلت على جائزة أفضل لاعب داخل القارة
واصل: هدف القاضية ممكن" الأغلى في حياتي حتى لو سجلت بعده العديد من الأهداف سيظل محفور في تاريخى
وعن انضمامه للمنتخب قال: انا عندي سؤال بس، وعاوز افهم ايه اللي ينقصني علشان أرجع المنتخب.. بس انا بصراحة مش عارف أسال مين
أكمل: كان نفسي أكسب بطولة كاس العالم للأندية ولو كنت كسبتها كنت هقول للأهلي خلاص عاوز امشي
وعن اختياره لأفضل مدرب فى الأهلي قال: هختار الموس.. انا مسميه الموس، موسيماني شخص طيب جداً والسنه اللي فاتت قعدت 5 ماتشات مبلعبش، وقعدت مع نفسي بعد التمرين من 8 لـ حتي 10 بليل لوحدي في الملعب وكنت بعيط، واللي شافني بس كان الدكتور أحمد أبو الوفا، اتكلمت معاه على اللي كل اللي جوايا، مكنتش مصدق انا مبلعبش ليه كنت بتمرن وبعمل كل حاجه ومعرفش ايه السبب وكنت حاسس إني مظلوم، وقولت له اني هخلص الموسم احسن لاعب في مصر، وحاليًا مع الأهلي أنا في أخر 20 ماتش، لعبتهم كلهم وصنعت 7 اهداف وسجلت 3 أهداف
وأردف: أنا والله ما بعمل مشاكل، في اللقطة دي كنا كسبانين 1/0 وكولر كان قالي تعليمات بين الشوطين وعملتها، فا كنت بقوله، انا طلعت ليه انا عملت كل اللي انت عاوزه ومردش عليا وقالي "OK , No problem"، الكابتن خالد بيبو قالي بعد الماتش ان في عقوبة وتقبلت كل حاجه، وللأسف عندنا مشكلة في مصر، انا اعترضت في اللقطة دي بكل احترام ولكن للأسف السوشيال ميديا بتأثر، وقولت للكابتن بيبو انا متقبل القرار وتحت امرك
واختتم حديثه قائلا: الناس في التلفزيون بتشوف أن الملاعب عندنا في مصر كويسة ولكن على الواقع حاجه تانية، مفيش غير ستاد القاهرة اللي ينفع يتلعب في كرة قدم.
