علق عصام الحضري حارس مرمي منتخب مصر السابق علي رحيل أكرم توفيق نجم النادي الأهلي وسقوط البرتغالي جوزيه جوميز مدرب الزمالك السابق في الدوري السعودي.
قال عصام الحضري عبر تصريحات تليفزيونية: أكرم توفيق هيمشي .. ولو أنا مكانه همشي لان دي مصلحة اللاعب.تابع: بس أنا بسأل هو لو الأهلي مكنشي عايز أكرم مكنشي مشاه؟ كان هيمشي.
أضاف: من حق أي لاعب يشوف مصلحته لان الأندية بتفكر في مصلحتها عادي.
استطرد: لكن ليه النادي الأهلي ميجيش يعمل زي ما بيعمل مع أي مدرب عقده بيخلص وبيمشي اعمله حفله وأودعه.
وقال أيضا: لكن ليه بقى اللي بنشوفه في الإعلام ضد اللاعب ده والمانشيتات!!
وعلق عصام الحضري علي خسارة جوميز المدير الفني لفريق الفتح 9-0 أمام الهلال السعودي وقال: اللي بيتحقق في الزمالك والأهلي صعب تحقيقه في أي مكان تاني.
واصل: البرتغالي مانويل جوزيه خد كل البطولات مع الأهلي ولكن بعد كده عمل ايه؟
واختتم حديثه قائلا: راح السعودية ودرب الاتحاد ومنجحشي وراح إيران ومنجحشي وراح انجولا وخرج بيهم من ربع النهائي على أرضهم ومنجحشي.
