كشف أكرم توفيق نجم فريق الكرة الأول بالنادي الأهلي العديد من المفاجآت حول مسيرته بقميص القلعة الحمراء وأسوء تعليق على السوشيال ميديا.
كما سلط أكرم توفيق نجم النادي الأهلي الضوء على مستوي أداء محمود عبدالمنعم كهربا زميله فى القلعة الحمراء ومقارنته ادي تواجده فى نادي الزمالك.
كما كشف أكرم توفيق نجم النادي الأهلي سر إطلاق إسم موسافا عليه فى القلعة الحمراء.
بوابة البلد سبورت ترصد أبرز تصريحات أكرم توفيق نجم النادي الأهلي.
قال أكرم توفيق نجم النادي الأهلي فى تصريحات تليفزيونية: انا بحب الأسد وكنت بتفرج على مسلسل The Lion King ومساعد من مساعدين موسيماني شافني وانا بتفرج على المسلسل فراح قاله وجالي موسيماني وقالي انت عارف انك شبه موفاسا وبعد كدا هقولك موفاسا.
تابع: وقت إصابتي الأخيرة الناس قالت أن كهربا سبب إصابتي بسبب تدخل قوي ولكن الكلام دا مش صحيح وكهربا ملوش أي ذنب.
أضاف: نسخة محمود عبدالمنعم كهربا في الزمالك كانت أفضل من نسخته الحالية مع السويسري مارسيل كولر مدرب النادي الأهلي.
استطرد: عمر عبدالواحد بعيد عن الكرة شخصية زي العسل كنا سويًا في المنتخب بقطر والناس بتدخلنا في منافسات ولا أفكر فيمن أفضل.. من سيلعب هو من يكتب الله له ذلك.
واصل: قبل مباراة اتحاد جدة السعودي في كأس العالم اتعرض لينا في المحاضرة الأخيرة فيديوهات للجمهور السعودي وكلامهم اللي اتقال عننا.
أكمل: مبيعجبنيش الأخبار بتاعت أن كولر مش عاوز أكرم، وبعدها بأسبوع تلاقي كولر بيضحك ويتكلم مع أكرم يبقي بيحب أكرم.
أردف: مش شرط إني مبلعبش يبقي يطلع عليا اخبار انه مش محتاجني اللي بيلعب مش بيلعب عشان هو أحسن، اللي بيلعب عشان دا وقته وفترته مشاركة أي لاعب أساسي هو قدر من ربنا.
أسهب قائلا: يعني مثلا كنت بلعب مع موسيماني نص ملعب وفجأه لعبت باك رايت وكملت فيها هي كدا.. لو ربنا أراد لك حاجه هتكمل فيها.
وقال أيضا: حمدي فتحي خد بعضه وراح الوكرة، وساب رقم 8 السولية قالي هتسيبلي رقم 8 قولتله لأ.. وخدت الرقم معرفش أيه اللي حصلي وضلمت معايا خالص بس السنه الجايه هرجع لـ 25 تاني أنا أسف يا حمدي
وعن تعليقات الجماهير قال: اكتر تعليق زعلني شوفته على السوشيال ميديا لما لقيت حد كاتبلي أن عمرك في الكرة قصير بسبب التدخلات القوية أومال لاعيبة الدوري الإنجليزي تعمل أيه.
وقال أكرم توفيق: مينفعش أتشرط على النادي الأهلي في يوم من الأيام، لان كدا كدا النادي بيقدر اللاعيبة
واختتم حديثه قائلا: الفرنسي انتوني موديست دا عم البلد كنت بقوله قبل هدف السوبر هتسجل هدف، بعد الهدف روحت له أفكره بس مكنتش عارف أقولها له ازاي.
