كشف عمرو أدهم عضو مجلس إدارة نادي الزمالك، العديد من المفاجآت بشأن القضايا العالقة فى الاتحاد الدولي لكرة القدم "فيفا" خلال الساعات الماضية.
وسلط عمرو أدهم، الضوء على تفاصيل اللحظات الأخيرة في التعاقد مع المدرب الأجنبي خلفا لمعتمد جمال مدرب القلعة البيضاء الحالي.
بوابة "البلد سبورت" ترصد أبرز تصريحات عمرو أدهم عبر قناة الزمالك والتي جاءت على النحو التالي :
قال عمرو أدهم فى تصريحات تليفزيونية، إن النادي كان عليه 14 قضية منهم قضايا للاعبين وأندية وكذلك فوائد وغرامة للفيفا وتم حلها جميعا.
وتابع: "يوم 3 يناير الجاري تم تقديم اقتراح لنادي سبورتينج لشبونة البرتغالي لتقسيط المبلغ وطلب مسؤولية تقديم تصور لدفعات تسديد الغرامة ولكن اختفى مسئولي سبورتنج لشبونة البرتغالي فترة و تواصلو معانا وأكدوا انهم رفضوا التقسيط لإن مجلس الزمالك عليه قضية وانا مبقولش إن حد بلغه جايز هو عرف لوحده".
وأضاف: "مبلغ غرامة سبورتينج لشبونة البرتغالي كان المفروض ندفع 3 مليون جنيه ولكن دفعنا 46 مليون وده بسبب التأخير لمدة 7 سنين".
قضيه خالد بوطيب
وعن أزمة مستحقات بوطيب، قال: "المشكلة بدأت عندما تم تقديم شكوى من جانب نادي الزمالك لأنه ترك النادي ومشي وعمل نفسه مصاب، والنادي طلب تعويض وبدوره اللاعب اشتكى الزمالك والفيفا كانت مع اللاعب".
واستطرد: "بوطيب كان بياخد في الشهر 120 ألف يورو ولما مشي من النادى راح نادي بياخد فيه 18 ألف يورو وهو طالب قيمة عقده مع الزمالك وإحنا هنتواصل مع اللاعب ونتفق على تسوية مش هنستنى لحد ما يتحكم وندخل في مشاكل تانية".
وعن أزمة كهربا نجم النادي الأهلي، قال: "بالنسبة لقضية كهربا لينا 2 مليون و400 ألف دولار والمحامى بتاعه عارض علينا تسويه بس مشكلتي مع كهربا أنا وجمهور الزمالك وموقف كهربا وده الحق الأدبي".
وتابع: "يعنى عبدالله السعيد اتخانق مع الأهلي وعمره ماطلع يتكلم أما كهربا اللي بيواجه الجمهور وهوا قاصد استفزاز الجمهور وإحنا عاوزين الغرامة كاملة ورافضين التقسيط وده أدبيا قبل أي حاجة".
أزمة فتوح
وقال عن أزمة أحمد فتوح: "تجديد أحمد فتوح تم بشروط النادي والتارجت بتاعنا التتويج بالكونفدرالية".
المدرب الأجنبي
وأوضح عمرو أدهم: "مدرب الزمالك الجديد لم يدرب من قبل في الزمالك وإحنا شغالين في الفترة القادمة وبندور على مواهب في أوروبا وأفريقيا".
واختتم حديثه قائلا: "إحنا حاطين تارجت لينا مش هنتعاقد مع لاعيبة وندخل بمبالغ مبالغ فيها وبعد كده منعرفش ندفع في سقف محطوط للتعاقدات ونظام وهنحاول ندعم 4 أو 5 لاعيبة لأن في يناير مش زي الصيف أندية مش بتسيب لاعيبتها وبتتمسك بيها".
