فجر أحمد عفيفي المحلل الرياضي الشهير العديد من المفاجآت حول النادي الأهلي ومباراة القمة أمام غريمه التقليدي نادي الزمالك في الدوري الممتاز.
وتطرق أحمد عفيفي إلي كيفية استفادة النادي الأهلي من تضارب المصالح ومبارياته المؤجلة في المسابقات المحلية.
بوابة البلد سبورت ترصد أبرز تصريحات أحمد عفيفي عن الأهلي والزمالك .
قال أحمد عفيفي عبر تصريحات تليفزيونية: مقدرش أغلط الزمالك فى قراره ومباراة الأهلي والموضوع كان متأخر شويه لكن في المجمل هو بيطالب بحقوقه.
تابع: الدوري يقام بلا نظام أو عدالة من زمان والموضوع مش الموسم ده بس أنا مش حابب أتكلم عن الموسم ده.
أضاف: فى موسم 2018/2019 بعد خروج الأهلي من دوري أبطال أفريقيا والبطولة العربية تم وضع المباريات المؤجلة ( السهلة ) أولًا للأهلي ثم الأصعب بعد يناير علشان يكون جاب صفقات يلعب بيها بحجه احتقان جماهير الأهلي .. معرفشي ايه الاحتقان ده ولا مين بيسمح بيه.
استطرد: الأهلي استفاد من تضارب المصالح بسبب جمع حسن حمدي بين رئاسة النادي ووكالة الاهرام للإعلانات اللي هي حكومية بالمناسبه ونائب الرئيس كان محمود الخطيب وهو كان نائب رئيس الأهلي برضوا ودي حاجه عمري ما شوفتها في حياتي.
واصل: مش بتكلم عن المؤامرات لكنني بوضح وقائع تاريخية بدايه من حل مجلس الأهلي في 2014 من قبل وزير أهلاوي طاهر ابو زيد ولكنه لم ينفذ وهو اللي مشي والمجلس كمل .
وزاد: قبلها في 1988 الأهلي رفض يلعب اخر مباراة في الدوري والفريق الخصم راح الملعب والحكم اعتبر الأهلي خسران واتحاد الكرة صدق على القرار طلع قرار بحله والماتش اتعاد .
وأكمل: دي نماذج بتقول للناس بدايه من رئيس الاتحاد اللي الوزير لو جيت على مصلحه الأهلي هيحصل فيك ايه.
واختتم حديثه قائلا: الأهلي لا يلام فى حصوله علي اللاعبين المميزين لإضعاف المنافسين لأنه تم منحه القدرات المالية اللي مفيش غيره بياخدها.
