فجر حسين الشحات نجم النادي الأهلي عديد المفاجآت حول أزمته مع المغربي الدولي محمد الشيبي لاعب بيراميدز.
وتطرق حسين الشحات إلي الصعوبات التي تواجه النادي الأهلي في البطولات المحلية والقارية.
بوابة البلد سبورت تسلط الضوء على أبرز تصريحات حسين الشحات بعد استضافته في أحد البرامج الرياضية المتخصصة.
قال حسين الشحات لاعب الأهلي عبر تصريحات تليفزيونية :
وفاة أحمد رفعت ربنا يرحمه اثرت في مصر كلها والجمهور كله كان راكن التعصب على جنب وقتها.. عايز اقول ان اللاعيبة كلهم اخوات واصحاب واتمنى التعصب يختفي بين الجماهير.
تابع حسين الشحات : انا عليا اقساط علي فكرة ومراتي كانت هتبيع الدهب من كام يوم والله ومرضتش اخليها تبيع حاجة والله يجماعه لاعيبة الكورة لما بتاخد ملايين بتقولو ملايين المسؤوليات بتزيد والي حواليك بقو مسؤولين منك وعمرك في الكورة له معدل وهينتهي لما بتاخد اي فلوس ربنا بيكرمك علي ادها ولما تاخد اي فلوس احمد ربنا اوعي تبص علي حد غيرك بياخد اكتر .. في لحظة الحال بيتغير.
أضاف حسين الشحات لاعب الأهلي:
كنا نقول لأنفسنا أن مباراتي بيراميدز الأهم خلال الفترة المقبلة ، ولم أتوقع جلوس محمد الشيبي على مقاعد البدلاء في المباراة الأولى ، وكل التركيز كان علي مساعدة فريقي للفوز فقط وتحدث معي أحمد أبو الوفا المعد النفسي علي ضرورة التركيز في المباراة فقط وعدم الالتفات لأمور أخري.
وعن حديثه مع أفشة في مباراة المقاولون قال:
أفشة كان اعترض في المباراة اللي قبلها واتخصم له وكنت طالع زعلان لأن الفريق بيلعب بأنانية مش جماعية وطالع زعلان ومضايق ومش قادر اتكلم لقيت أفشة بيقولي معلش يا حسين مش هتقدر تتكلم لأني قفلتها عليكم برامج واعتراضات.
استطرد حسين الشحات لاعب الأهلي:
باشكر شيكابالا جدا على اللي قاله إنه مستعد يروح للشيبي ويعتذر له علشان يحل الأزمة، شيكابالا من الشخصيات الجميلة والمحبوبة جدا
وعن أفضل هدف في مسيرته قال :
هدفي في الوداد وعندما ألتقي مع يحيي عطية الله سأقول له “مش أنا اللي رقصتك”.
وقال حسين الشحات لاعب الأهلي أيضا :
لدي عروض حاليا من السعودية والإمارات وأنا تحت أمر النادي الأهلي، لو مثلا أخرج سنة إعارة وأرجع أختم في الأهلي مفيش مشكلة أنا تحت أمر الإدارة.
واصل حسين الشحات لاعب الأهلي:
في الأهلي إحنا مبنعرفش نفرح بالبطولات، إمام عاشور بعد نهائي أفريقيا الأخير أمام الترجي فرحنا شوية وخلاص قالنا هو كدا خلاص فرحتوا؟. دا العادي في الأهلي وصلنا 5 نهائيات متتالية وبعد كل نهائي نفرح يومين ونقفل الصفحة ونفكر في البطولة التالية.
وزاد حسين الشحات:
محمد الشيبي نجم بيراميدز، من أفضل اللاعبين في الدوري هذا الموسم، وهو أفضل ظهير أيمن في الدوري
انا قعدت أسبوع او 10 أيام لا أنام بسبب ما حدث مع الشيبي، واعتذزت مرة واتنين وتلاتة له ولأهله وبعتذرله تاني دلوقتي وفتحت بيتي للشيبي ورضا سليم عارف الكلام دا وفي لاعيبة كبيرة وشخصيات كتيرة تدخلت لحل المشكلة ولكن هو مصمم على رأيه وهو حر.
وأكمل حسين الشحات:
"تصرف وسام أبو علي في مباراة بيراميدز يثبت أنه “راجل”، ومهما كان حصل من الشيبي عمري ما كنت هرد عليه"
وأتم حسين الشحات:
"المُعد النفسي جلس معي قبل مواجهة بيراميدز لينصحني بكيفية التعامل مع محمد الشيبي في اللقاء، وأكدت له أن الموضوع مقفول بالنسبة لي"
وأردف حسين الشحات:
"تعرضت لعقوبة بقيمة نص مليون جنيه بعد مشكلتي مع الشيبي وتقبلت الأمر وأتمنى عودة الزمالك للمنافسة من جديد لأن ذلك يكون في مصلحة الأهلي"
وأسهب حسين الشحات:
"سأقولها الآن ولن أقولها مرة أخرى، تنازلت عن مبلغ كبير يصل لمليون دولار من أجل الانضمام للنادي الأهلي"
وقال حسين الشحات أيضا:
"احنا اتعذبنا بعد بطولة إفريقيا كنا بنسأل بعض عاملين ايه نرد نقول “مش قادرين”، أتمنى نبقى زي باقي دوريات العالم"
واختتم حسين الشحات حديثه قائلا:
"تعرضنا لضغط بدني رهيب هذا الموسم، أكرم توفيق (اللي هو بسم الله ما شاء الله) كان في آخر الموسم مش قادر يجري، طيب أنا وإمام عاشور نعمل ايه؟"
